يا يمه

image1

image9999

مقدمة الألبوم: يا يمه

في عيوني مكانك غير يايمه

معتلي فوق قدرك يابعد روحي

الهموم التي في القلب ملتمّه

كل مااشوف زولك عنّي تروحي

إنتي أغلى الغلا يرخص لك الغالي

وإنتي اللي بوسط القلب مسكانك

لك مكان بصدري منزله عالي

والله إني لأبيع النفس من شانك

كم سهرتي يانور العين من شاني

كل ماضاق بالي ضاق بك بالك

ماتنامين دام النوم ماجاني

ياعسى في جنان الخلد منزالك

في عيوني

أبو علي

أبو عبد الملك

غريبة

سمير البشيري

من صغرها

أبو ريان

أم رزقها الله

يايمه, يايمه, يايمه, يايمه

يايمه إنتي غلاكِ يسير في دمّي

أنا مقصر بحقك يانظر عيني

منك التمس وارتجي شمّ العذر شمّي

في مبتدا العمر ولاّ بآخر سنيني

عسى الشمل معك بأسرع وقت يلتمي

وأشوف من شوفها شوف يسلّيني

على فراقك مليت بدمعتي كمّي

والهم مابين يوم ويوم يكويني

الضيق خالي وأبوي وجدّي وعمّي

من حيث مارحت يجري في شراييني

شوفك عن القلب يبعد داعي الهمِّ

ثوبٍ عن الهمِ والأحزانِ يكسيني

أبعث رسالة عذرْ ينطق بها فمّي

حبر الرساله يايمه دمعة العينِ

تدللي آمري يالغاليه سمّي

عساك عن ماضي الهجران تعفيني

ودي بشوفك وأضمك بالصدر ضمّي

وأكفّر اللي مضى من ماضي سنيني

يايمه

تسعة شهور

خمسة عشر عام وشهور تهيم بالدنيا تهيم

تحمل بصيص من الامل ويموت اذا قالوا عقيم

ترجع تشيل احزانها والياس والهم المقيم

تسهر تناجي حلمها وتسامر اليل الظليم

تشرب مرارة صبرها وفي قلبها مثل الجحيم

وإن صار لمة واجتماع تلقف اطفال الحريم

تلمهم وتضمهم في روضة الصدر الرحيم

تبكي تمناهم لها وتقول يالله ياكريم

بنت وولد والا ولد أو بنت جودك ياعظيم

يارب لاتقطع رجاي يارب انا حالي سقيم

يموت حلمي في حشاي ويعيش بي جرح اليم

يارب ياربنا لك عايده ياللي بما نفسي عليم

في اليل شافت بالمانم طفل يخاطبها وسيم

يقول يمه ابشري انتي من الليله سليم

قامت تناديه وتصيح تعال يا طفل الكريم

تعال بدد وحدتي واجبر عزى القلب اليتيم

بالفعل ربي عاضها و هب لها خل و نديم

طفل كما البدر المنير و ألطف من أنسام السديم

و عاش الفرح فيها و مات الهم و الحزن القديم

خمسة عشر عام وشهور

لبّيه ياصوتٍ دعاني ولبّيت

ياأعز مخلوقٍ بصوته دعاني

مافيه أحد مثلك على الكون حبّيت

فضلك من أقدامي لراسي كساني

يانبض شرياني وياشمعة البيت

يامهجتي عن كل قاصي وداني

أضيق من فرقاك وارتاح لاجيت

ياسلوتي يانبعِ كل الحنانِ

من دون شوفك حيي في حِسبة الميت

وارتاح لو شوفك بعيني ثواني

أزريت أعبر قدرك وحبك أزريت

يعجز عن التعبير منطق لساني

كم مرّة في شانك أذنبت وأخطيت

والعفو منك كن ماشيّ كانِ

أنا لك الخادم على كل توقيت

اللي تبين يصير في كل شانِ

مالي فضل مهما من البر سوّيت

لي الفخر مابين قاصي وداني

لك دعوة منّي إذا أصبحت وأمسيت

يجزاك مولايه بخضر الجنانِ

في وصلك بنظم القوافي تغنيت

ماسقت شعري في وصال الغواني

فيك الشعر مهما نظمته وسوّيت

ماأظهرت شي بين عوج المحاني

أفخر بنظم الشعر بيتٍ بعد بيت

ياحيي والله فيك غِر المعاني

كل القوافي طاوعتني وغنّيت

مافيه بيت لا زهمته عصاني

تفجرت عندي سوات الدناميت

وأصبح عسير القافيه مطوعاني